تفاصيل الكورس

زهقت من الشرح النظري والأمثلة السهلة بتاعة الكتب اللي مابتشبهش الواقع؟ الكورس ده مش مجرد فيديوهات بتشوفها، دي ورشة عمل تطبيقية ومسجلة هتعيش فيها دور الـ Planner المسؤول عن مشروع بجد.

هنجيب مستندات مشروع حقيقي (فندق 25 دور)، ونبدأ مع بعض من الصفر تماماً لحد ما نطلع ببرنامج زمني جاهز للاعتماد. الكورس ده هو الـ Master Key بتاعك؛ لأنك لو عرفت تفك تشابك وتفاصيل فندق 25 دور، هتعرف تعمل جدول زمني لأي برج، مول، أو كومباوند.. المنطق واحد، اللي بيتغير بس هو حجم المشروع.

هنعمل إيه في الورشة دي؟ (خطوة بخطوة)

• نفنط الـ BOQ: هنفتح مقايسة الأعمال سوا، ونعرف إزاي نطلع منها كل البيانات اللي تهمنا كـ Planners من غير ما نتوه.

• نعمل الـ Activity List: هنحول بنود المقايسة لـأنشطة حقيقية ينفع تتنفذ وتتابع في الموقع.

• نربط العلاقات (Logic Relationships): هنتعلم إزاي نربط بين التخصصات المختلفة (مدني، معماري، والـ MEP اللي هي شبكات الكهرباء والتكييف والصحي) من غير ما نوقع تفصيلة في النص.

• نحسب المدد والإنتاجيات: هتعرف إزاي توزع العمالة والمعدات (Resources) وتحسب وقت كل نشاط بناءً على معدلات الإنتاج الحقيقية في السوق.

• نطلع بالـ Baseline: هنقفل البرنامج الزمني في شكله النهائي اللي بيتقدم للاستشاري والمالك عشان يوافقوا عليه ويتم اعتماده.