تفاصيل الباقة

باندل التأهيل الكامل للـ Planning Engineer
التلات كورسات اللي بياخدوك من أول يوم في المجال... لحد ما تبقى Planner
مش تلات كورسات منفصلين، دا مسار واحد، كل كورس بيمسك من حيث ما وقفت في اللي قبله.

الكورس الأول — أساسيات البلاننج و Primavera P6

دي نقطة البداية. هنا بتتعلم اللغة قبل ما تتكلم بيها.
بتفهم يعني إيه برنامج زمني، يعني إيه WBS، يعني إيه Logic Relationships و Critical Path، و إزاي Primavera P6 بتشتغل من جوّه مش بالحفظ.
لو انت لسه جديد في المجال، أو لسه متخرج و لسه بتسأل نفسك "يعني إيه مقاولات أصلاً"، الكورس دا بيبني معاك الأرض اللي هتمشي عليها باقي الطريق.

الكورس الثاني — Power BI for Planners

البرنامج الزمني شغل تفاصيله كتير اووي . الـ Dashboard هو اللي الإدارة و الاستشاري بيشوفوه.
هنا بتتعلم إزاي تاخد بيانات الـ Update و تحوّلها لـ Dashboards محترمة تتكلم عن شغلك من غير ما تتكلم انت.
S-curves، نسب الإنجاز، التأخيرات، الـ KPIs... كلها في شاشة واحدة واضحة بتخلّي شغلك يبان بأحسن صورة، و بتفرّق بين بلاننج بيسلّم تقرير، و بلاننج بيسلّم قرار.

الكورس الثالث — Real Hotel Planning Project

دي محطة التطبيق، Workshop مسجّلة بنبني فيها برنامج زمني كامل لفندق ٢٥ دور، من أول الـ Engineering لحد تربيط الـ MEP.
مش شرح متقطّع. دي رحلة كاملة بتعيشها معايا: نفتح الـ BOQ سوا، نفنّط البنود، نعمل الـ Activity List، نربط العلاقات بين التخصصات، و نوصل لبرنامج جاهز يتقدّم للاستشاري للاعتماد.
و الجميل إنه Master Key: اللي يفهم فندق ٢٥ دور، يفهم الأبراج و المولات و الفلل و الكومباوندات. نفس المنطق، اللي بيتغيّر بس الـ Scale.

ليه الباندل مع بعض؟

لأن المجال مش بيتعلم قطع. تتعلم الأساس، تتعلم تعرض شغلك، و تطبّق على مشروع حقيقي من أوله لآخره.
كل كورس لوحده مفيد. التلاتة سوا بيعملوا Planner مكتمل.

خمسة بلاننج — تجربة بتتعاش، مش محتوى بيتفرّج عليه.